**10:00
Cəlilabadda idarəetməni itirən avtomobil aşıb, xəsarət alanlar var.
Teleqraf.аz xəbər verir ki, hadisə bu gün səhər saatlarında Cəlilabad rayonunun Təklə kəndi ərazisində baş verib.
İlkin məlumata görə, “Nissan X-Trail” markalı avtomobil sərt döngədən eniş edərkən idarəetməni itirərək aşıb.
Nəticədə nəqliyyat vasitəsində olan sərnişinlər müxtəlif dərəcəli bədən xəsarətləri alıb. Onlar təcili tibbi yardım maşınları ilə xəstəxanaya çatdırılıblar.
Avtomobil Yardımlı rayonundan gəlirmiş.
Hazırda xəsarət alanların kimliyi dəqiqləşdirilir.
Faktla bağlı araşdırma aparılır.
**10:33
Bu gün saat 03:00 radələrində yol-nəqliyyat hadisəsi səbəbilə xəsarət alan 5 nəfər (kişi) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Bu barədə apa.az-a TƏBİB-dən bildirilib.
Onlara bədənin müxtəlif nahiyələrinin çoxsaylı travmaları diaqnozu təyin edilib.
2007-ci il təvəllüdlü şəxsin vəziyyəti qənaətbəxş qiymətləndirildiyindən ambulator müalicə üçün evə buraxılıb. Digər 4 şəxsin müalicəsi Təcili tibbi yardım şöbəsində davam etdirilir, vəziyyətləri kafi olaraq qiymətləndirilir.
