Cəlilabad şəhərində xəsarətlə nəticələnən yol qəzası baş verib. Bu haqda məlumatı Cenublu.az bu gün, 26 oktyabr tarixində Report.az-a istinadən verir.
Hadisə Cəlilabad şəhərinin Xətai küçəsində qeydə alınıb. Belə ki, qəza zamanı "VAZ-2107" və "VAZ-21015" markalı minik avtomobilləri toqquşub.
Hadisə nəticəsində "VAZ-2107"nin sərnişini, 20 yaşlı Nuray Astanova və "VAZ-21015"in sürücüsü, 67 yaşlı Xanoğlan Rzayev xəsarət alıblar.
Yaralılar Cəlilabad Rayon Mərkəzi Xəstəxanasına çatdırılıblar. Sürücünün vəziyyətinin ağır olduğu bildirilir.
Faktla bağlı araşdırma aparılır.
