Cəlilabad rayonunda şəhərdaxili və kənddaxili yolların təmiri və işıqlandırılması davam edir. Bu haqda məlumatı Cenublu.az bu gün, 14 noyabr tarixində verir.
Belə ki, Göytəpə şəhəri V.Mürsəlov küçəsinə çınqıl materialı tökülüb və xüsusi texnika vasitəsilə hamarlanaraq təmir işləri aparılıb, Seyidbazar kəndində kənddaxili yollar qum-çınqıl materialı tökülərək təmir olunub. Hamarqışlaq kəndində isə kənddaxili küçələrdə işıqlandırma işləri həyata keçirilib.
Qeyd edək ki, Göytəpə şəhərində və Seyidbazar kəndində təmir işləri vətəndaşlar tərəfindən yerli bələdiyyəyə ödənilən vergi və rüsumlardan daxil olan vəsait hesabına görülüb.
Hamarqışlaq kəndində isə küçələrin işıqlandırılması kənd inzibati ərazi dairəsi üzrə nümayəndəliyin və sakinlərin birgə dəstəyi ilə təşkil olunub.
