Biləsuvar rayonunda fermer suvarma problemi ilə bağlı aidiyyəti qurumlardan kömək istəyir.
Cenublu.az xəbər verir ki, rayonun Bəydili kənd sakini hektar yarım sahədə əkdiyi pambığın vaxtında suvarılmadığını və bunun məhsulun inkişafını təhlükə altına saldığını bildirib.
Onun sözlərinə görə, Biləsuvar Suvarma Sistemləri İdarəsinin əməkdaşları suyu digər əkin sahələrinə, xüsusilə yonca sahələrinə yönləndirir, onun pambıq sahəsi isə susuz qalıb. Fermer iddia edir ki, nəticədə bitkilərin inkişafı ləngiyir və məhsuldarlığın ciddi şəkildə azalması riski yaranır.
Şikayətçi problemin araşdırılmasını, suvarma suyunun fermerlər arasında ədalətli şəkildə bölüşdürülməsini və aidiyyəti qurumların məsələyə operativ müdaxilə etməsini xahiş edir.
