Biləsuvar şəhərində kanalizasiya şəbəkəsinin işləməməsi ilə bağlı sakinlər şikayət edir.
Cenublu.az xəbər verir ki, sakinlərin bildirdiyinə görə, 2004–2008-ci illər Dövlət Proqramı çərçivəsində şəhərdə mərkəzləşdirilmiş kanalizasiya sistemi qurulduqdan sonra bəzi ərazilərdə əvvəl mövcud olan su arxları və drenaj xətləri ləğv edilib.
Onların sözlərinə görə, yağışlı havalarda xüsusilə Heydər Əliyev prospekti və Mübariz İbrahimov küçəsi ətrafındakı küçələrdə su yığılır, yollar yararsız vəziyyətə düşür və bəzi ev və obyektlərə ziyan dəyir.
Sakinlər qeyd edirlər ki, mövcud kanalizasiya sistemi yağış sularının axıdılmasını tam təmin etmir və problemin aidiyyəti qurumlar tərəfindən araşdırılmasını xahiş edirlər.
