Biləsuvarda piyadanın vurulması ilə nəticələnən yol-nəqliyyat hadisəsi baş verib.
Cenublu.az -ın verdiyi xəbərə görə, hadisə Biləsuvar-Bəhrəmtəpə avtomobil yolunda Nəsimikənd kəndindən keçən hissəsində qeydə alınıb.
Biləsuvar rayonunun Bəydili kənd sakini Tofiq Əliyev idarə etdiyi "Mercedes" markalı mikroavtobusla hərəkətdə olarkən kənd sakini 2005-ci il təvəllüdlü Rəşad Rauf oğlu Əkbərovu vurub.
Müxtəlif dərəcəli bədən xəsarətləri alan piyada sürücü tərəfindən rayon xəstəxanasına çatdırılıb. İlkin tibbi yardımdan sonra vəziyyətinə uyğun olaraq yaralı reanimasiya şöbəsinə yerləşdirilib
Qeyd edək ki, R.Əkbərov bir neçə gün öncə hərbi xidmətdən geri dönüb.
Faktla bağlı araşdırma aparılır.
