Lənkəran rayonunun Kərgəlan kəndində ölümlə nəticələnən yol qəzası baş verib. Bu haqda məlumatı Cenublu.az bu gün, 3 sentyabr tarixində Report.az-a istinadən verir.
Belə ki, avtomobil idarəetmədən çıxaraq yol kənarındakı kanala aşıb. Nəticədə avtomobildə olan ata və oğul xəsarət alıblar.
Onlar Lənkəran Rayon Mərkəzi Xəstəxanasına çatdırılsalar da, yaralılardan birinin - atanın həyatını xilas etmək mümkün olmayıb.
İlkin məlumata görə, qəzaya avtomobilin sərxoş vəziyyətdə idarə olunması səbəb olub.
Meyit müayinə olunması üçün aidiyyəti üzrə təhvil verilib.
Faktla bağlı araşdırma aparılır.
