2025-ci ilin tələbə qəbulu nəticələrinə əsasən, 600 və daha yüksək bal toplayan abituriyentlərin payına görə ölkənin ən yüksək göstəricisini Astara rayonu Ərçivan qəsəbə 3 nömrəli tam orta məktəbi nümayiş etdirib.
Bu barədə 2025-ci il üzrə tələbə qəbulu və ümumi təhsil müəssisələrinin buraxılış imtahanlarının nəticələrinə dair elmi-statistik materialların toplandığı "Abituriyent" jurnalının 12-ci nömrəsində məlumat verilib.
Məlumata görə, 600 və daha yüksək bal toplayanların payı üzrə sıralamada Astara rayonu Ərçivan qəsəbə 3 nömrəli tam orta məktəbi 12 faiz göstərici ilə ölkə üzrə birinci yerdə qərarlaşıb.
Qeyd edək ki, siyahıya yalnız abituriyentlərinin sayı 20 nəfərdən az olmayan ümumi təhsil müəssisələri daxil edilib.
