Astarada piyada zolağının silinməsi sürücülər və piyadalar üçün çaşqınlıq yaradır. Bu haqda məlumatı Cenublu.az bu gün, 21 mart tarixində verir.
Belə ki, Heydər Əliyev prospektində, “Kapital bank”ın qarşısında piyada yolu zolağı olsa da, zamanla o silinib.
“Ərazidə nə piyada zolağı nişanı, nə də görünən zolaq var. Buna görə də sürücülər çox vaxt piyadalara yol vermirlər. Bəzi piyadalar isə yolu haradan keçəcəklərini bilmədiklərinə görə digər ərazilərdən keçirlər. Bu səbəblərə görə yol həm sürücü, həm piyadalar üçün təhlükəyə çevrilir. Ümid edirik, aidiyyəti qurumlar zolağı yeniləyib əraziyə piyada nişanı yerləşdirər”, - deyə sakinlər bildiriblər.
[caption id="attachment_35494" align="alignnone" width="336"]
Foto Cenublu.az[/caption]
