Bu gün astaralı şəhid Telman Nəhmətovun doğum günüdür.
Telman Nəhmətov 1990-cı il aprelin 29-u Astaranın Alaşa kəndində anadan olub.
Azərbaycan Ordusunun kiçik çavuşu olan Telman Vətən müharibəsi zamanı Füzulinin və Xocavəndin azadlığı uğrunda gedən döyüşlərdə savaşıb. O, 2020-ci il oktyabrın 31-də Füzuli rayonu istiqamətində gedən hərbi əməliyyatlar zamanı şəhid olub. Astara rayonunun Alaşa kəndində dəfn olunub.
Ölümündən sonra "Vətən uğrunda", "Füzulinin azad olunmasına görə" və "İgidliyə görə" medalları ilə təltif olunub.
