Astara rayonu, Təxtənəkəran-Toradi yolunun Əzərud kəndindən keçən hissəsində yol-nəqliyyat hadisəsi baş verib. Bu haqda məlumatı Cenublu.az bu gün, 16 avqust tarixində Apa.az-a istinadən verir.
Belə ki, rayonun Asğankəran kənd sakini, 40 yaşlı Elbrus Nurəliyevin idarə etdiyi 99-RU-056 dövlət qeydiyyat nişanlı “Niva” markalı avtomobil qarşıdan gələn, Motlayataq kənd sakini, 68 yaşlı Böyükağa Əliyevin idarə etdiyi eyni markalı, 07- BJ-968 dövlət qeydiyyat nişanlı avtomobillə toqquşub. Nəticədə Böyükağa Əliyevin idarə etdiyi avtomobil aşıb.
Hər iki sürücü müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına çatdırılıblar. Onların vəziyyəti orta ağır qiymətləndirilir.
Faktla bağlı araşdırma aparılır.
[URIS id=21574]
