Astara rayonunun Siyəkü kəndində yerləşən Şahağacı qaz paylayıcı stansiyasında qaz xətlərində aşkar olunmuş sızmaların aradan qaldırılması üçün işlər aparılacaq.
Cenublu.az xəbər verir ki, planlaşdırılan təmir işləri oktyabrın 10-u saat 10:00-dan başlayacaq və işlər tamamlanana qədər davam edəcək.
İşlərin aparılması səbəbindən Şağlazüzə, Fətəlioba, Rinə, Binəbəy, Həsin, Niləşə, Siyəkü, Vaqo, Lələkəpeştə, Çayoba, Pensər, Kakalos, Balaca Şahağacı, Qamışoba, Şahağacı, Kolatan, Şiyəkəran, Təngərüd, Maşxan kəndləri və Kijəbə qəsəbəsinin bir hissəsi də daxil olmaqla, təxminən 7 900 abonentin təbii qaz təchizatı müvəqqəti olaraq dayandırılacaq.
Abonentlərdən xahiş olunur ki, qazın dayandırılacağı müddətdə təhlükəsizlik qaydalarına riayət etsinlər və ehtiyat tədbirləri görsünlər.
