Astara rayonunun Şahagacı kəndi ərazisində sərnişin avtobusu yol kənarındakı işıq dirəyinə çarpılıb. Bu haqda məlumatı Cenublu.az bu gün, 20 sentyabr tarixində Apa.az-a istinadən verir.
Avtobusda yaranan texniki nasazlıq səbəbindən sürücü idarəetməni itirib və maşın dirəyə çarpılıb. Zərbənin nəticəsindən avtobus deformasiyaya uğrayıb.
Hadisə baş verən zaman avtobusda sərnişin olmayıb. Sürücü, 61 yaşlı Camal Kamal oğlu Hüseynov kəllə-beyin travması ilə Lənkəran Rayon Mərkəzi Xəstəxanasının reanimasiya şöbəsinə yerləşdirilib. Onun vəziyyəti ağırdır.
Faktla bağlı araşdırma aparılır.
