Astara şəhəri Rafiq Məmmədov küçəsinin vəziyyəti sakinləri narahat edir. Bununla bağlı onlar bu gün, 12 sentyabr tarixində Cenublu.az-a müraciət ediblər.
Belə ki, sakinlərin sözlərinə görə, küçədə yaranmış çuxurlar ucbatından onlar çölə addım ata bilmirlər. “Məhəllədə 2 nəfər I qrup əlil (onlardan biri görmə məhdudiyyətli), 1 nəfər də II qrup əlil var. Onların küçədə hərəkət etmələri çox çətindir. Bir az yağış yağan kimi çuxurlar su ilə dolur və yaya kimi qurumur. Bir neçə dəfə aidiyyəti qurumlara müraciət etmişik. Lakin nəticə verməyib”, - deyə sakinlər bildiriblər.
