Ələt-Astara yolunun Biləsuvar və Cəlilabad rayonları ərazisindən keçən hissəsi qəzalı vəziyyətdədir. Bu haqda məlumatı Cenublu.az bu gün, 8 oktyabr tarixində Report.az-a istinadən verir.
Sakinlər bildiriblər ki, bu yolda addımbaşı çala-çuxura rast gəlinir: "Düzdür, vaxtaşırı bəzi yerlərdə təmir işləri aparılır. Lakin bu, kifayət deyil. Gərək bu yol yenidən qurulsun. Yoldan istifadə edən zaman əziyyət çəkirik. Maşınımız tez-tez xarab olur".
Məsələ ilə bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli bildirib ki, problem mərhələli şəkildə həll olunacaq: "Yaxın vaxtlarda ilkin olaraq bu yolun Biləsuvar rayonundan keçən hissəsində işlərə başlanılacaq".
