Milli Məclisin deputatı Zahid Oruc Azərbaycanda 16 yaşdan aşağı uşaqların sosial şəbəkələrdən istifadəsinin məhdudlaşdırılmasını təklif edib.
Onun sözlərinə görə, qanun layihəsinin məqsədi uşaqları sosial şəbəkələrin zərərli təsirlərindən, kibertəhdidlərdən, bulinqdən, cinsi istismar və intihara sövq edən məzmundan qorumaqdır.
Layihəyə əsasən, 16 yaşına çatmamış şəxslər sosial şəbəkələrdə fərdi hesab aça bilməyəcək. 16-18 yaş arası yeniyetmələr isə yalnız valideyn razılığı ilə hesab yarada biləcəklər.
Deputat bildirib ki, platformalar yaş doğrulama mexanizmlərini tətbiq etməli, qanunun tələblərinə əməl etməyən vəzifəli və hüquqi şəxslər isə cərimələnəcəklər.
