Biləsuvar rayonunda 30 yaşlı kişi yetkinlik yaşına çatmayan baldızı ilə seksual xarakterli hərəkətlər etməkdə ittiham olunub.
Hadisə 2025-ci il avqustun 17-də baş verib. İstintaq materiallarına görə, 1996-cı il təvəllüdlü Ağakişi həmin gün baldızı Əfsanəni Biləsuvar şəhərinə aparıb. Əfsanənin sözlərinə görə, onlar daha əvvəl "WhatsApp" vasitəsilə yazışıb və aralarında sevgi münasibəti yaranıb.
Əfsanənin sözlərinə görə, avqustun 17-də gecə Ağakişi onunla "WhatsApp" vasitəsilə yazışıb. Əfsanə səhər Biləsuvar şəhərinə gedəcəyini deyəndə, Ağakişi onu aparacağını bildirib və yazışma zamanı "Kaş bacın Sevil ilə yox, səninlə evlənəydim" deyib.
Ertəsi gün Əfsanə bacısının evinə gedib. Ağakişi onu avtomobili ilə Biləsuvar şəhərinə aparıb. Əfsanənin ifadəsinə görə, atası Əflatun evdən getdikdən sonra Ağakişi yenidən evə gəlib və onların arasında intim münasibət baş verib.
Ağakişi isə məhkəmədə özünü təqsirli bilməyib və belə bir münasibətin olmadığını deyib. Onun sözlərinə görə, sonradan naməlum "TikTok" hesabından baldızı ilə bağlı ittihamedici mesajlar gəlib. Bu mesajlardan sonra Əflatun onunla mübahisə edib, döyüb və hətta bıçaqla hədələyib.
Əfsanə hadisəni atasına danışdıqdan sonra ailəsi DİN-in "102" xidmətinə müraciət edib.
Qeyd edək ki, Biləsuvar Rayon Məhkəməsinin hökmü ilə Ağakişi 11 ay 28 gün müddətinə azadlıqdan məhrum edilib. Cəzasını ümumi rejimli cəzaçəkmə müəssisəsində çəkməsi müəyyənləşdirilib.
Adlar şərtidir.
Mənbə: demokrat.az
