Lənkəran, Masallı, Cəlilabad, Biləsuvar, Astara, Lerik və Yardımlıda yaşayan 6-12 yaş aralığındakı 30-a yaxın şəhid övladı üçün düşərgə təşkil olunub. Bu haqda məlumatı Cenublu.az bu gün, 4 aprel tarixində verir.
4 gün ərzində davam edən düşərgə Abşeron Olimpiya İdman Kompleksində həyata keçirilib.
Layihə çərçivəsində iştirakçılar “Suraxanı” gəmi-muzeyini ziyarət ediblər, Bakı Zooloji Parkında maraqlı vaxt keçiriblər. Ardınca atçılıq mərkəzinə ekskursiya təşkil olunub. Həmçinin gimnastika, boks və cüdo idman növləri üzrə ustad dərsləri keçirilib və kino saatı təşkil edilib.
Son gündə şəhid övladlarına “Azərkontrakt” tərəfindən hədiyyələr təqdim olunub, xatirə şəkilləri çəkdirilib.
Düşərgə “YAŞAT” Fondunun təşkilatçılığı və “ASAN Könüllüləri” Təşkilatının dəstəyi ilə keçirilib.
Layihənin baş sponsoru: “Azərkontrakt” ASC.
Layihənin dəstəkçiləri: “Suraxanı”gəmi-muzeyi, “Bakı Zooloji Parkı”.
Layihənin media dəstəkçisi: ASAN TV & Radio.
