Lənkəran-Astara Regional Gənclər və İdman İdarəsinin təşkilatçılığı ilə Lənkəran, Astara, Lerik, Cəlilabad, Yardımlı və Masallı rayonlarında "Veloyürüş hamı üçün" kütləvi idman tədbiri baş tutacaq. Bu haqda məlumatı Cenublu.az bu gün, 21 iyul tarixində verir.
İdman tədbiri 22 iyul tarixində Lənkəran Olimpiya İdman Kompleksində saat 18:00-dan, Masallı Rayon Boradigah İdman Kompleksində saat 11:00-dan, Lerik şəhəri, H. Aslanov küçəsində saat 16:00-dan, Yardımlı rayon Olimpiya İdman kompleksində saat 11:00-dan, Astara Dənizkənarı Park-Bulvar Kompleksində saat 16:00-dan başlayacaq.
Kütləvi idman tədbirinin təşkilində məqsəd əhali arasında velosiped idmanına marağı artırmaq, sağlam və düzgün həyat tərzini təbliğ etməkdir.
Qeyd edək ki, idman tədbirində hər kəs öz velosipedi ilə iştirak edə bilər.
