Bu gün Vətən müharibəsi şəhidlərimizin – Tehran Cəfərov, Qardaşxan Əhmədli və Təbriz İsayevin anadan olduqları gündür.
Tehran Nadir oğlu Cəfərov 1992-ci il martın 12-də Biləsuvar rayonunun Günəşli kəndində anadan olub.
O, Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. Tehran Cəfərov sentyabrın 30-da Füzuli döyüşləri zamanı şəhid olub. O, 1 oktyabr 2020-ci il tarixində Biləsuvar rayonunun Günəşli kənd qəbiristanlığında dəfn olunub.
Tehran Cəfərov ölümündən sonra "Vətən uğrunda", "Suqovuşanın azad olunmasına görə", "İgidliyə görə" medalları ilə təltif edilib.
Qardaşxan Elxan oğlu Əhmədli 1996-ci ildə Lənkəran rayonunun Osakücə kəndində anadan olub.
Qardaşxan Vətən müharibəsi zamanı Füzuli, Ağdam, Murovdağ istiqamətində gedən döyüşlərdə iştirak edib. 2020-ci ilin dekabr ayının 19-da Qardaşxanın şəhid olduğu bilinib və nəşi Bakı şəhərinə gətirilib, səhəri gün böyük izdihamla Binə qəsəbəsində yerləşən Binə Şəhidlər Xiyabanında torpağa tapşırılıb.
O, ölümündən sonra III dərəcəli “Vətənə xidmətə görə” ordeni, "Xocavəndin azad olumasına görə" və "Vətən uğrunda" medalları ilə təltif edilib.
Təbriz İsabala oğlu İsayev 1993-cü il martın 12-də Cəlilabad rayonunun Bəcirəvan kəndində anadan olub.
Təbriz Vətən müharibəsi zamanı Füzulinin və Hadrut qəsəbəsinin azadlığı uğrunda gedən döyüşlərdə savaşıb. Təbriz İsayev oktyabrın 10-da Hadrut döyüşləri zamanı şəhid olub. Cəlilabad rayonunun Bəcirəvan kəndində dəfn olunub.
O, ölümündən sonra "Vətən uğrunda", "Kəlbəcərin azad olunmasına görə", "İgidliyə görə", "Cəbrayılın azad olunmasına görə", "Xocavəndin azad olunmasına görə" medalları və “Azərbaycan bayrağı” ordeni ilə təltif edilib.
Allah rəhmət eləsin!
