Vətən müharibəsi şəhidləri – Vüsal Cəfərov və Elnur Bağırovun doğum günüdür.
Vüsal Sərhədxan oğlu Cəfərov 1989-cu il martın 6-da Cəlilabad rayonu Göytəpə şəhərində anadan olub.
O, Qubadlı istiqamətində gedən döyüşlərdə igidlik göstərərək 2020-ci il oktyabrın 21-də şəhid olub.
Vüsal Cəfərov ölümündən sonra "Vətən uğrunda", "Füzulinin azad olunmasına görə", "Cəbrayılın azad olunmasına görə", "Xocavəndin azad olunmasına görə", "Qubadlının azad olunmasına görə" və III dərəcəli "Vətənə xidmətə görə" medalları ilə təltif edilib.
Elnur Zeynal oğlu Bağırov 1996-cı il martın 6-da Cəlilabad rayonunun Privolnoye kəndində anadan olub.
O, 2020-ci il oktyabrın 2-də Murovdağ istiqamətində gedən döyüşlərdə şəhidlik zirvəsinə ucalıb.
Elnur Bağırov ölümündən sonra "Vətən uğrunda", "Kəlbəcərin azad olunmasına görə" medalları ilə təltif edilib.
