Lənkəran–Astara Regional Gənclər və İdman İdarəsinin rəisi Teymur Babazadə “İdman həftəsi” çərçivəsində keçirilən tədbirlərin təşkilində göstərdiyi xidmətlərinə görə Təşəkkürnamə ilə mükafatlandırılıb. Bu haqda məlumatı Cenublu.az bu gün, 15 mart tarixində verir.
Nazir Fərid Qayıbovun sədrliyi ilə Gənclər və İdman Nazirliyinin növbəti Kollegiya iclası keçirilib. Tədbirin sonunda gənclər və idman naziri Fərid Qayıbov "İdman həftəsi" çərçivəsində keçirilən tədbirlərin təşkilindəki xidmətlərinə görə regional gənclər və idman idarələrinin rəislərinə təşəkkürnamələr təqdim edib.
Teymur Babazadə 28 fevral - 5 mart tarixlərində Lənkəran, Astara, Lerik, Yardımlı, Masallı və Cəlilabad rayonlarında təşkil olunan idman tədbirlərinə görə təltif olunub.
