Lənkəran şəhər İcra Hakimiyyətinin başçısı Taleh Qaraşovun qardaşı Azər Qaraşovun ölümü ilə bağlı "özünü öldürmə həddinə çatdırma" maddəsi ilə cinayət işi açılıb. Bu haqda məlumatı Cenublu.az bu gün, 27 iyul tarixində verir.
Baş Prokurorluğun mətbuat xidmətindən bildirilib ki, iyulun 26-sı saat 17:00 radələrində Kürdəmir rayonu, Pirəköcə kənd sakini, 1975-ci il təvəllüdlü Azər Qaraşovun odlu silahdan açılmış atəş nəticəsində aldığı xəsarətdən ölməsi faktı ilə bağlı Kürdəmir Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılmaqla istintaq aparılır.
Qeyd edək ki, Lənkəran Şəhər İcra Hakimiyyəti açıqlama yayaraq hadisənin ehtiyatsızlıqdan baş verdiyini bildirib.
