Lənkəran şəhər İcra Hakimiyyətinin başçısı Taleh Qaraşov Sütəmurdov kəndinin sakinləri ilə səyyar qəbul-görüş keçirib. Bu haqda məlumatı Cenublu.az bu gün, 10 aprel tarixində verir.
Görüşdə İcra Hakimiyyəti aparatının məsul şəxsləri, rayonun hüquq-mühafizə orqanlarının, əlaqədar təşkilatların və xidmət sahələrinin rəhbər işçiləri də iştirak ediblər.
Qəbul zamanı icra başçısı ötən səyyar görüş-qəbulda qaldırılan məsələlərin icra vəziyyəti barədə yerli əhaliyə məlumat verib. O, səyyar görüş-qəbulda qaldırılan məsələlərin şəxsi nəzarətində olduğunu, bütün müraciətlərə həssas yanaşıldığını qeyd edib. İştirakçılar tərəfindən qaldırılan və icra hakimiyyətinin səlahiyyətlərinə aid olan məsələlərin yerindəcə həlli istiqamətində göstərişlər verilib, icra hakimiyyətinin səlahiyyətlərinə aid olmayan məsələlərin həlli üçün aidiyyəti qurumlara rəsmi müraciətlərin ünvanlanması və nəticəsi barədə vətəndaşlara məlumat verilməsi səlahiyyətli şəxslərə tapşırılıb.
