Lənkəran şəhər İcra Hakimiyyətinin başçısı Taleh Qaraşov növbəti səyyar görüş-qəbulunu Separadi kəndində Separadi və Tükəvilə sakinləri ilə keçirib. Bu haqda məlumatı Cenublu.az bu gün, 18 aprel tarixində verir.
Səyyar görüş-qəbulda İca Hakimiyyəti aparatının məsul şəxsləri, rayonun hüquq-mühafizə orqanlarının, əlaqədar təşkilatların və xidmət sahələrinin rəhbər işçiləri də iştirak ediblər.
T. Qaraşov yerli insanlara ötən səyyar qəbulda qaldırılan məsələlərin icra vəziyyəti barədə məlumat verib. Taleh Qaraşov çıxışında vətəndaşların məşğulluğunun təmin olunması məsələsinə toxunub və bildirib ki, kəndlərdə vətəndaşların təsərrüfatla məşğul olması üçün bütün imkanlar mövcuddur və dövlət bu məsələdə müxtəlif layihələr həyata keçirir, güzəştlər tətbiq edir. İcra başçısı yerli sakinlər tərəfindən qaldırılan hər bir məsələni dinləyib, aidiyyəti üzrə qurumlara tapşırıq və tövsiyələrini verib. Taleh Qaraşov qeyd edib ki, hər bir müraciət onun şəxsi nəzarətindədir və nəticə barədə vətəndaşlara qanunvericiliyə uyğun formada və müddətdə cavab veriləcək.
