Lənkəran Şəhər İcra Hakimiyyətinin başçısı Taleh Qaraşov qardaşı, 48 yaşlı Azər Qaraşovun ölümü ilə bağlı açıqlama verib. Bu haqda məlumatı Cenublu.az bu gün, 27 iyul tarixində Manset.az-a istinadən verir.
Belə ki, icra başçısı açıqlamasında hadisənin intihar olmasını təkzib edib:
“Qardaşımın heç bir problemi yox idi. Bu hadisə sırf ehtiyatsızlıq səbəbindən baş verib. Onun nə problemi ola bilərdi? Kürdəmirdə evdə silah təmizləyəndə ehtiyatsızlıqdan atəş açılıb. Yazırlar ki, “Kalaşnikov”la özünü güllələyib, belə şey yoxdur. Əlində ov tüfəngi olub, məsələ araşdırılır”.
Qeyd edək ki, Azər Qaraşovun odlu silahdan açılmış atəş nəticəsində aldığı xəsarətdən ölməsi faktı ilə bağlı Kürdəmir Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılmaqla istintaq aparılır.
