Lənkəran Şəhər İcra Hakimiyyətinin başçısı Taleh Qaraşov Lənkəran şəhərinin yeni asfaltlanan küçələrinə baxış keçirib. Bu haqda məlumatı Cenublu.az bu gün, 1 aprel tarixində verir.
Şəhərin şəhid Mirxəyal Kərimzadə və şəhid Anar Səfərov küçələrində, həmçinin Milli Qəhrəman Etibar Əliyev, M.Ə.Rəsulzadə və H.Nəsir küçələrində asfaltlanma işləri başa çatıb. Şəhər başçısı adıçəkilən küçələrdə aparılan işlərlə tanış olub və müvafiq tövsiyələrini verib.
Hazırda daha 5 küçədə – M.Əsədov, şəhid Samir Allahverdiyev (Şeyx Zahid dalan 2), Kələntərlilər, A.İsmayılov və B.Mirsaleyev dalan 2 küçələrində asfaltlanma işləri davam edir.
Qeyd edək ki, təmirə ehtiyacı olan küçələrin siyahısı Lənkəran ŞİH tərəfindən müəyyən edilib və ayrılmış büdcəyə uyğun olaraq, asfaltlanma işləri ilin sonuna kimi davam etdiriləcək.
Əlavə olaraq, cari ildə daha 11 küçənin dövlət büdcəsi hesabına təmiri planlaşdırılır və bu istiqamətdə müvafiq sənədləşmə işləri həyata keçirilir.
