II Qarabağ müharibəsində şəhid olan kapitan Rəşad Əmiralı oğlu Əliyevin həyat yoldaşı Rəfiqə Əliyeva tələbə adını qazanıb.
Cenublu.az xəbər verir ki, bu barədə Rəfiqə Əliyevanın atası Savalan Cəfərli məlumat verib.
Bildirilib ki, Rəfiqə Əliyeva Azərbaycanın ali təhsil müəssisələrindən birinə "İqtisadiyyat" ixtisası üzrə qəbul olub.
Qeyd edək ki, 1991-ci il aprelin 17-də Salyan rayonunun Ərəbqardaşbəyli kəndində anadan olan kapitan Rəşad Əliyev 2020-ci il noyabrın 5-də Şuşa döyüşləri zamanı şəhid olub.
O, qüsursuz xidmətlərinə görə "Azərbaycan Silahlı Qüvvələrinin 90 illiyi", "Azərbaycan Silahlı Qüvvələrinin 95 illiyi", "Azərbaycan Ordusunun 100 illiyi" yubiley medalları və "Qüsursuz xidmətə görə" III dərəcəli medalla təltif edilib.
Prezident İlham Əliyevin 15 dekabr 2020-ci il tarixli sərəncamlarına əsasən, Rəşad Əliyev ölümündən sonra "Vətən uğrunda", "Hərbi xidmətlərə görə", "Şuşanın azad olunmasına görə" və "Füzulinin azad olunmasına görə" medalları ilə təltif olunub.
