Bu gün Vətən müharibəsi şəhidi Fərhad Məlikzadənin dünyaya göz açdığı gündür.
Fərhad Məlikzadə 20 avqust 1997-ci ildə Sabirabad rayonunun Şıx Salahlı kəndində anadan olub. O, cüdo, güləş və qaydasız döyüş növləri ilə məşğul olub, bir çox yarışlarda qalib gəlib.
Vətən müharibəsi zamanı Füzuli və Cəbrayıl rayonlarının azadlığı uğrunda gedən döyüşlərdə iştirak edib.
Füzuli döyüşləri zamanı düşmən hücumunun qarşısını alarkən yaralanan Fərhad Məlikzadə xəstəxanaya yerləşdirilib. Bir neçə günlük müalicədən sonra yenidən döyüş meydanına qayıdıb.
5 noyabr 2020-ci ildə Şuşanın azadlığı uğrunda gedən döyüşlərdə şəhid olub. O, noyabrın 12-də doğulduğu Sabirabad rayonunun Şıx Salahlı kəndində torpağa tapşırılıb.
Ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə", "Şuşanın azad olunmasına görə" medalları və "Azərbaycan Bayrağı" ordeni ilə təltif edilib.
