Salyanda ölümlə nəticələnən yol qəzası baş verib. Bu haqda məlumatı Cenublu.az bu gün, 7 avqust tarixində Bizim.Media-ya istinadən verir.
Ələt-Astara magistral yolunun 38-ci km-də “Nissan" və "Opel" markalı minik avtomobilləri toqquşub.
Nəticədə sürücülərdən Ağstafa sakini, 36 yaşlı Ayaz Qasımov ağır xəsarət alaraq komatoz vəziyyətdə Şirvan Şəhər Mərkəzi Xəstəxanasına yerləşdirilib, sürücünün oğlu, 9 yaşlı Süleyman Qasımov hadisə yerində ölüb. Qəzada Ayaz Qasımovun azyaşlı qızı Cığatel də xəsarət alıb.
Həyatını itirən azyaşlının şair Cığatelin nəvəsi olduğu bildirilir.
Ayaz Qasımovun vəziyyəti ağır olduğu üçün o, Bakı xəstəxanalarından birinə yola salınıb.
Faktla bağlı araşdırma aparılır.
