Vətən müharibəsi şəhidi Ayxan Qurbanzadənin məzarı ziyarət olunub. Bu haqda məlumatı Cenublu.az bu gün, 25 iyul tarixində verir.
Onun məzarını doğum günündə Lənkəran Şəhər İcra Hakimiyyətinin əməkdaşları və yerli ictimaiyyətin nümayəndələri ziyarət ediblər. İcra Hakimiyyətinin əməkdaşları qəhramanın ailəsinə baş çəkib, məzarı önünə gül dəstələri düzüb və ruhuna dualar oxuyublar.
Qeyd edək ki, şəhid Ayxan Qurbanzadə Vətən müharibəsində göstərdiyi cəsarətinə və şücaətinə görə ölümündən sonra Ali Baş Komandanın sərəncamlarına uyğun olaraq, “Vətən uğrunda”, “Cəsur döyüşçü”, “Şuşanın azad olunmasına görə” və “Füzulinin azad olunmasına görə” medalları ilə təltif edilib.
