Rəqəmsal inkişaf və nəqliyyat naziri Rəşad Nəbiyev Lerik, Lənkəran, Yardımlı, Masallı, Cəlilabad və Astara rayonlarının sakinlərini qəbul edəcək. Bu haqda məlumatı Cenublu.az bu gün, 4 sentyabr tarixində verir.
Astara şəhərində yerləşən Heydər Əliyev Mərkəzində 11 sentyabr saat 10:00-da keçiriləcək qəbulda nazir bölgələrdə göstərilən nəqliyyat, telekommunikasiya, o cümlədən internet, teleradio yayımı və poçt xidmətləri sahəsində əhalini maraqlandıran məsələlərlə bağlı vətəndaşları dinləyəcək.
Qəbula sentyabrın 9-na qədər Rəqəmsal İnkişaf və Nəqliyyat Nazirliyinin Çağrı Mərkəzi (1655) və elektron poçtu ([email protected]), həmçinin 010 250 48 48 və 012 598 58 58 (daxili 222 və 290) nömrəli telefonlar vasitəsilə yazılmaq mümkündür.
