Cəlilabad Rayon İcra Hakimiyyətinin başçısı Rafiq Cəlilov Xəlilabad kəndində sakinlərlə növbəti səyyar qəbul keçirib. Bu haqda məlumatı Cenublu.az bu gün, 28 mart tarixində verir.
Görüşə rayonun hüquq-mühafizə orqanlarının, xidmət və təşkilatlarının rəhbərləri və kənd sakinləri qoşulublar.
Qəbul zamanı vətəndaşların təklif, müraciət və şikayətləri dinlənilib, İcra Hakimiyyətinin səlahiyyətlərinə aid olan məsələlərin yerindəcə həll olunmasına rayon rəhbəri tərəfindən göstərişlər verilib, araşdırılmasına ehtiyac olan məsələlər isə aidiyyəti müəssisə və təşkilat rəhbərlərinə tapşırılaraq nəzarətə götürülüb.
