Cəlilabad Rayon İcra Hakimiyyətinin başçısı Rafiq Cəlilov Vətən müharibəsi şəhidləri Nahid Məmmədov və Alim Şükürovun ailələrini ziyarət edib. Bu haqda məlumatı Cenublu.az bu gün, 22 aprel tarixində verir.
Ziyarət zamanı şəhid valideynləri övladlarının şərəfli həyat yolundan və döyüşlərdə göstərdikləri şücaətdən söhbət açıb, onlarla bağlı xatirələrini qonaqlarla bölüşüblər.
Rafiq Cəlilov şəhid ailələrinin qayğı və problemləri ilə maraqlanıb.
Nahid Məmmədov 1990-cı ildə Cəlilabad rayonunun Vənlik kəndində anadan olub. O, ölümündən sonra “Azərbaycan Bayrağı” ordeni və “Vətən uğrunda” medalı ilə təltif olunub.
Alim Şükürov 1998-ci ildə Cəlilabad rayonunun Ağdaş kəndində doğulub. Ölümündən sonra “Vətən uğrunda”, “Döyüşdə fərqlənməyə görə” və “Zəngilanın azad olunmasına görə” medalları ilə təltif edilib.
