Astara rayon İcra Hakimiyyətinin başçısı Qəzənfər Ağayevin vətəndaşlarla səyyar qəbul-görüşü baş tutub. Bu haqda məlumatı Cenublu.az bu gün, 9 avqust tarixində verir.
Bildirilib ki, Suparibağ kəndində elektrik xətlərinin bir hissəsi SİP kabelləri ilə təmin olunub, internet xətti çəkilib, kənddən keçən dairəvi avtomobil yolu təmir edilib.
Görüşdə sakinlər elektrik xətt təsərrüfatının tam SİP kabelləri ilə təmin olunmasına, Suparibağ kənd tam orta məktəbinin damının, kanalizasiya sisteminin, su hovuzunun və idman zalındakı elektrik xətlərinin təmirinə, məhəllə yoluna çınqıl döşənməsinə, həyətə gedən zəbt olunmuş yolun açılmasına, pay torpağının yerinin göstərilməsinə, həyətdə təhlükə yaradan elektrik xətlərinin yerinin dəyişdirilməsinə köməklik göstərilməsini xahiş ediblər.
Qeyd edək ki, Suparibağ kəndində əhali ilə keçirilən səyyar qəbulda rayonun inzibati orqanlarının, idarə və müəssisələrinin rəhbərləri iştirak ediblər.
