Astara Rayon İcra Hakimiyyətinin başçısı Qəzənfər Ağayev Şiyəkəran kənd sakinləri ilə səyyar qəbul-görüş keçirib. Bu haqda məlumatı Cenublu.az bu gün, 26 dekabr tarixində verir.
Qəbulda rayonun hüquq-mühafizə orqanları, idarə və müəssisələrinin rəhbərləri iştirak ediblər.
Sakinlər kənd qəbiristanlığına gedən yolun təmiri, Şiyəkəran kənd 1 saylı tam orta məktəb binasının və həkim məntəqəsinin əsaslı təmiri, kənd ara yollarının təmiri üçün çaydan çınqıl götürülməsinə icazə verilməsi, suötürücü kanalın təmizlənməsi, qəzalı vəziyyətdə olan elektrik dirəyinin dəyişdirilməsinə köməklik göstərilməsi ilə bağlı müraciətləri səsləndiriblər.
Görüşdə sakinlərin arzu və təklifləri dinlənilib, irəli sürdükləri müəyyən məsələlərin həlli ilə əlaqədar aidiyyəti üzrə tapşırıqlar verilib. Digərləri barədə müzakirələr aparılaraq tədbirlər müəyyənləşdirilib.
Sonra Qəzənfər Ağayev Təngərüdçay üzərindən avtomobil körpüsünün tikintisi ilə bağlı işlərin gedişi ilə tanış olub və öz tövsiyələrini verib.
