Astara Rayon İcra Hakimiyyətinin başçısı Qəzənfər Ağayev növbəti görüşünü Pensər kəndində keçirib. Bu haqda məlumatı Cenublu.az bu gün, 24 aprel tarixində verir.
Görüşdə rayonun hüquq-mühafizə orqanlarının, idarə, müəssisə və təşkilatlarının rəhbərləri iştirak ediblər.
Qəbulda sakinlər kənd 1 saylı tam orta məktəb binasının əsaslı təmir edilməsinə, kənd ara yolunun asfaltlanmasına, uşaq bağçası və Mədəniyyət Evi üçün yeni binanın tikilməsinə, məişət tullantılarının utilizasiyasının həyata keçirilməsinə, məhəllə yolunun kənarında olan kanalların qazılmasına, rayonun Kələdəhnə ərazisində Pensər kənd sakinlərinə məxsus 140 hektarlıq torpaq sahəsinin zəbtdən azad edilməsinə köməklik göstərilməsini xahiş ediblər.
Qəzənfər Ağayev sakinlərin arzu və təkliflərini dinləyib. Məsələlərin həlli ilə əlaqədar müzakirələr aparılaraq tədbirlər müəyyənləşdirib.
Yekunda icra başçısı Pensər kənd inzibati ərazi dairəsi üzrə nümayəndəsinin müavini Sevil Mehrəliyevaya “Tərəqqi” medalını təqdim edib.
