Lənkəran–Astara Regional Təhsil İdarəsi Şirinsu kənd məktəbi ilə bağlı açıqlama verib. Bu haqda məlumatı Cenublu.az bu gün, 30 may tarixində Oxu.az-a istinadən verir.
Xəbər veridiyimiz kimi, 60 ilə yaxındır tikilib istifadəyə verilən təhsil müəssisəsi təmirsiz qalıb.
Təhsil İdarəsindən bildirilib ki, 2007-ci ildə məktəbdə təhsil şəraitinin təmin edilməsi üçün köməkçi korpus tikilib və istifadəyə verilib. Hazırda bütün sinif otaqlarında tədris davam edir:
"Köhnə korpusun vəziyyəti ilə əlaqədar müvafiq qurumlar tərəfindən baxış keçirilib. Həmin binanın yenidən tikilməsinə ehtiyac olduğundan hazırda layihələndirilməsi prosesi üçün işlər görülür. Bu il üçün Lənkəran–Astara Regional Təhsil İdarəsi üzrə ümumilikdə 100-ə yaxın təhsil müəssisəsində cari, 3 müəssisədə əsaslı təmir planlaşdırılır, 7 məktəbin isə tikintisinə başlanılıb".
