Azərbaycan Respublikasının Qida Təhlükəsizliyi Agentliyinin (AQTA) əməkdaşları Lənkəranda və Masallıda qanunsuz ət kəsimi ilə məşğul olan şəxsləri cərimələyiblər. Bu haqda məlumatı Cenublu.az bu gün, 1 avqust tarixində verir.
Belə ki, Lənkəran rayonunun Şiləvar kəndində Əhmədov Ramin Firuddin oğluna, rayonun Səpnəkəran kəndində Xəlilov Arzu Xankişi oğluna və Babayev Asim Sərhad oğluna, həmçinin Masallı rayonunun 20 Yanvar küçəsi, “Köhnə bazar” ərazisində yerləşən Əliyev Tural Fəyyaz oğluna məxsus heyvan kəsimi və ət satışı məntəqələrində nöqsanlar aşkarlanıb. Onların sahibləri barəsində inzibati protokol tərtib edilib.
