Penitensiar xidmətin qulluqçusu özünə xəsarət yetirib. Bu haqda məlumatı Cenublu.az Report-a istinadən bu gün, 7 avqust tarixində verir.
Ədliyyə Nazirliyinin Penitensiar Xidməti Mühafizə Alayının hərbi qulluqçusu, əsgər Şamxalov Ülvi İlyas oğlu odlu silahdan atəş açmaqla özünə xəsarət yetirib.
Lənkəran hərbi prokurorluğunun və Azərbaycan Respublikası Hərbi Prokurorluğunun Kriminalistika və İnformasiya Texnologiyaları İdarəsinin əməkdaşları tərəfindən hadisə yerinə baxış keçirilib, iş üçün əhəmiyyət kəsb edən predmetlər maddi sübut kimi götürülüb, izahatlar alınıb.
Lənkəran Hərbi Prokurorluğunda araşdırma davam etdirilir.
