Milli Qəhrəman Eltun İsgəndərovun qardaşının övladı dünyaya gəlib. Bu haqda məlumatı Cenublu.az bu gün, 3 avqust tarixində verir.
Yenicə dünyaya göz açan körpəyə əmisinin - Azərbaycanın Milli Qəhrəmanı Eltun İsgəndərovun adı verilib. Körpə və şəhidin ailə üzvləri xəstəxanadan evə yola salınıblar.
Qeyd edək ki, Eltun İsgəndərov 18 iyun 2009-cu ildə Cəlilabad rayonunun Əsədli kəndi yaxınlığında yerləşən sərhəd zastavasının xidməti ərazisində sərhəd pozucuları ilə döyüş zamanı Sərhəd Xidməti hərbçilərinin mövqelərinə atılmış qumbaranın üzərinə atılıb.
O, ətrafdakı əsgər və zabitlərin həyatını xilas edərək, şəhadətə ucalıb və Prezidentin Fərmanı ilə "Azərbaycanın Milli Qəhrəmanı" adına layiq görülüb.
