Masallı rayon Miyankü ərazisinin Kubin kəndində Birinci Qarabağ müharibəsi şəhidi Eldar Xamıyev adına orta məktəbin həyətində Viləşçay Su Anbarı İstismarı İdarəsi tərəfindən ümumi dərinliyi 30 metrə yaxın olan artezian quyusu qazılaraq istifadəyə verilib. Bu haqda məlumatı Cenublu.az bu gün, 25 iyul tarixində verir.
Açılış mərasimində Masallı Rayon İcra Hakimiyyətinin başçısı Araz Əhmədov, şəhid ailələri, ziyalılar və kənd sakinləri iştirak edib və quyuya baxış keçiriblər.
Qeyd edək ki, artezian quyusu sakinlərin təşəbbüsü və Masallı Rayon İcra Hakimiyyəti başçısının tapşırığı ilə tikilib.
