Əslən Masallıdan olan Bakı Dövlət Universitetinin IV kurs tələbəsi intihar edib. Bu haqda məlumatı Cenublu.az bu gün, 20 aprel tarixində verir.
Hadisə Abşeron rayonunun Xırdalan şəhərinin Heydər Əliyev prospektində yerləşən “AAAF Park” yaşayış kompleksində baş verib. Orada kirayə yaşayan 21 yaşlı Ramil Nəsirov özünü asaraq həyatına son qoyub.
Bakı Dövlət Universitetindən bildirilib ki, R.Nəsirov 2020-ci ildə BDU-nun Şərqşünaslıq fakültəsinə Tərcümə (fars dili) ixtisası üzrə qəbul olunub. O, universitetin təhsil göstəricələrinə görə fərqlənən və ictimai fəallığı ilə seçilən tələbələrindən olub. Daim BDU-nun və fakültənin ictimai həyatında aktiv iştirak edib. 2023-2024-cü tədris ilinin qış imtahan sessiyasında müvəffəq qiymətlər alıb və cari tədris ilində BDU-da təhsilini uğurla başa vuracağı gözlənilirdi.
Mərhum doğma Masallıda torpağa tapşırılıb.
