Narkotik vasitələri qanunsuz dövriyyə edən Masallı sakini tutulub. Bu haqda məlumatı Cenublu.az bu gün, 19 aprel tarixində verir.
Daxili İşlər Nazirliyi Baş Narkotiklərlə Mübarizə İdarəsinin əməkdaşları növbəti əməliyyat keçiriblər. Nəticədə Masallı sakini Faiq Gözəlovda 12 kiloqrama yaxın tərkibi psixotrop maddələrlə zənginləşdirilən marixuana aşkar edilib. O, Hacıqabul rayonu ərazisində saxlanılıb.
Saxlanılan şəxs narkotikləri sosial şəbəkələrdə tanış olduğu İran vətəndaşı, Yaşar adlı şəxsin göstərişi ilə əldə etdiyini bildirib. O, pul müqabilində paytaxtın müxtəlif ünvanlarında narkotik yerləşdirməli və bu barədə iranlı narkotik alverçisinə məlumat verməli olub.
Faktla bağlı cinayət işi başlanılıb. F.Gözəlov barəsində məhkəmənin qərarı ilə həbs qətimkan tədbiri seçilib.
Araşdırmalar davam etdirilir.
[caption id="attachment_57911" align="alignnone" width="336"]
Foto DİN[/caption]
[caption id="attachment_57908" align="alignnone" width="336"]
Foto DİN[/caption]
