Masallıda “Yaşıl dünyamızı birlikdə qoruyaq, gələcəyimizə sahib çıxaq” adlı layihə həyata keçirilib. Bu haqda məlumatı Cenublu.az bu gün, 4 aprel tarixində verir.
Layihə çərçivəsində ağacəkmə aksiyası təşkil olunub. Burada Lənkəran-Astara Regional Gənclər və İdman İdarəsinin rəisi Teymur Babazadə və əməkdaşlar, “Masallı Gənclər Evi” sosial xidmət müəssisəsinin kollektivi və könüllüləri, Regional İnkişaf İctimai Birliyinin cənub regionu üzrə gəncləri, Masallı rayon idman ictimaiyyətinin nümayəndələri, könüllü gənclər iştirak ediblər.
Proyekt Lənkəran-Astara Regional Gənclər və İdman İdarəsi tərəfindən keçirilib. Burada əsas məqsəd ətraf mühitin sağlamlaşdırılması, yaşıllıqların bərpası və artırılması, su ehtiyatlarından səmərəli istifadə edilməsidir.
