Masallı rayon Mərkəzi Kitabxanasında xalq qəhrəmanı Qaçaq Nəbinin anadan olmasının 170 illiyi ilə əlaqədar “Xalq qəhrəmanı Qaçaq Nəbi-170” adlı tədbir keçirilib. Bu haqda məlumatı Cenublu.az bu gün, 17 aprel tarixində verir.
Tədbirdə çıxış edənlər bildiriblər ki, XIX əsrdə Azərbaycanda məşhur olan, kəndli hərəkatına başçılıq etmiş Nəbi Alı oğlu 1954-cü ildə Zəngəzur qəzasının Aşağı Mollu kəndində, indiki Qubadlı rayonunda anadan olub. Kəndlilərin torpaqlarını tutmaq istəyən mülkədarlara müqavimət göstərdikdən sonra təqribən 1875-ci illərdə qaçaq düşüb.
Vurğulanıb ki, Qaçaq Nəbi yoxsul kəndlilərin, sadə zəhmətkeş insanların mənafeyini müdafiə edib, hökmdarların, qaniçən varlıların sərvətini, torpaqlarını alıb yoxsullara paylayırdı. Xalq qəhrəmanı çar hökumətinin təqiblərindən yayınaraq ömrünün 20-22 ilini haqsızlığa qarşı mübarizəyə həsr edib. Qeyd olunub ki, xalq Qaçaq Nəbinin qəhrəmanlığını unutmamış, barəsində dastanlar, mahnılar və şeirlər qoşulmuşdur.
Qeyd edək ki, Zəngəzur qəzasının qazısı, tarixçi, folklorşünas Bəhlul Behçət “Qaçaq Nəbinin tarixi” adlı kitab, Süleyman Rüstəm “Qaçaq Nəbi” pyesini yazıb, onun haqqında “Qanlı zəmi”, “Atları yəhərləyin” filmləri çəkilib.
