Masallı rayon Mərkəzi Kitabxanasında Vətən müharibəsi şəhidi Sənan Səlimovun doğum gününə həsr olunmuş tədbir baş tutub. Bu haqda məlumatı Cenublu.az bu gün, 1 aprel tarixində verir.
Görüşdə şəhidin döyüş yolu barədə ətraflı məlumat verilib.
Sənan Səlimov 2001-ci il aprelin 1-də Masallı rayonunun Təzə Alvadı kəndində anadan olub. O, 2020-ci il sentyabrın 27-də başlanan Vətən müharibəsi zamanı Füzulinin azadlığı uğrunda gedən döyüşlərdə iştirak edib. Oktyabrın 14-də Füzuli döyüşləri zamanı şəhidlik zirvəsinə ucalıb. Masallı rayonunda torpağa tapşırılıb.
S.Səlimov ölümündən sonra “Vətən uğrunda”, “Döyüşdə fərqlənməyə görə” və “Füzulinin azad olunmasına görə” medalları ilə təltif edilib.
