Masallı rayonunda dəmir boruları oğurlayan rayon sakinləri saxlanılıblar. Bu haqda məlumatı Cenublu.az bu gün, 15 avqust tarixində verir.
Masallı Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisində yerləşən məktəb, ferma və əkin sahələri olmaqla ümumilikdə 4 yerdən oğurluq edən rayon sakinləri Qafar Qəhrəmanlı, Həsənağa Əliyev və Neftçala rayon sakini Ülvü Bədəlov tutulublar.
Məlumata görə, saxlanılanlar zərərçəkmiş şəxslərə 6400 manatdan artıq maddi ziyan vurublar. Onlar müxtəlif vaxtlarda oğurladıqları dəmir boruları metal qəbulu məntəqələrinə satıb və əldə olunan gəliri öz aralarında bölüblər.
Faktla bağlı cinayət işi başlanıb, Masallı Rayon Məhkəməsinin qərarı ilə tutulanlara həbs qətimkan tədbiri seçilib.
