Masallıda "Vətənin ölməz oğulları" layihəsi çərçivəsində tədbir keçirilib. Bu haqda bu gün, 19 avqust tarixində Cenublu.az Masallı Regional Mədəniyyət İdarəsinə istinadən xəbər verir.
Tədbir Tarix-Diyarşünaslıq Muzeyində baş tutub. Ilk öncə Vətənin azadlığı uğrunda şəhid olan igidlərin əziz xatirəsi bir dəqiqəlik sükutla yad edilib. Görüşdə muzeyin direktoru Əntiqə Tağıyeva keçirilən layihənin əhəmiyyətindən danışıb. Daha sonra iki şəhid anası Ziba Əsgərli şəhid anaları adından çıxış edib. O, oğulları ilə qürur duyduğunu qeyd edib.
Sonda tədbirdə iştirak edən, avqust ayında doğulan şəhidlərin ailələrinə "Təşəkkürnamə"lər təqdim olunub.
