Masallı rayonunun Tüklə kəndində Qarabağ müharibəsi şəhidi Zəfər Xəlilovun ailəsi üçün tikilən fərdi yaşayış evi istifadəyə verilib. Bu haqda bu gün, 24 aprel tarixində Cenublu.az xəbər verir.
Tədbirdə RİH-nin başçısı Araz Əhmədov və aparatı, hüquq-mühafizə orqanlarının rəhbərləri, şəhid ailəsi və media nümayəndələri iştirak ediblər.
Mərasimdə Araz Əhmədov 44 günlük müharibədəki tarixi Qələbədən, Tüklə kəndində dünyaya göz açan Zəfər kimi qəhrəman oğullarımızın rəşadətindən ətraflı danışıb.
Yekunda şəhidin ailəsi onlara göstərilən yüksək diqqət və qayğıya görə və evin tikintisində zəhməti olan bütün şəxslərə minnətdarlığını bildirdilər.
